អភិធានវណ្ណនា
១.សគ្គកណ្ឌ
១.១ ពុទ្ធាទិវណ្ណនា ការរៀបរាប់ពីព្រះនាមរបស់ព្រះពុទ្ធជាម្ចាស់ជាដើម
១)ពុទ្ធោ ទសពលោ សត្ថា សព្វញ្ញូ ទ្វិបទុត្តមោ
មុនិន្ទោ ភគវា នាថោ ចក្ខុមង្គីរសោ មុនិ ។
២) លោកនាថោនធិវរោ មហេសិ ច វិនាយកោ
សមន្តចក្ខុ សុគតោ ភូរិបញ្ញោ ច មារជិ ។
៣) នរសីហោ នរវរោ ធម្មរាជា មហាមុនិ
ទេវទេវោ លោកគរុ ធម្មស្សាមី តថាគតោ
៤)សមយ្ភូ សម្មាសម្ពុទ្ធោ វរបញ្ញោ ច នាយកោ
ជិនោ សក្កោ តុ សិទ្ធត្ថោ សុទ្ធោទនិ ច គោតមោ ។
៥) សក្យសីហោ តថា សក្យ- មុនិ ចាទិច្ចពន្ធុ ច ។
ព្រះពុទ្ធជាម្ចាស់ ៣២ សព្ទ
ពុទ្ធ(ពុធ អវគមនេ + ត) ព្រះពុទ្ធជាម្ចាស់, អ្នកត្រាស់ដឹង ពុទ្ធោតិ កេនត្ថេន ពុទ្ធោ សួរថា ពាក្យថា ពុទ្ធោ ព្រះពុទ្ធជាម្ចាស់ ទ្រង់ព្រះនាមថា ពុទ្ធៈ ព្រោះអត្ថថាដូចម្តេច?
ឆ្លើយថា ព្រះពុទ្ធជាម្ចាស់ទ្រង់ព្រះនាមថា ពុទ្ធៈ ព្រោះប្រកបដោយអត្ថវិគ្គហៈថា
១) ពុជ្ឈិតា សច្ចានីតិ ពុទ្ធោ ព្រះនាមថា ពុទ្ធៈ ព្រោះទ្រង់ត្រាស់ដឹងសច្ចធម៌ ។
២)ពោធេតា បជាយាតិ ពុទ្ធោ ព្រះនាមថា ពុទ្ធៈព្រោះទ្រង់ញ៉ាំងពពួកសត្វឲ្យត្រាស់ដឹងតាម ។
៣)សព្វញ្ញុតាយ ពុទ្ធោ ព្រះនាមថា ពុទ្ធៈព្រោះទ្រង់ត្រាស់ដឹងធម្មជាតិទាំងពួង ។
